Amlinelliad o'r pwnc

  • Adnoddau Cwpan y Byd Qatar 2022

  • Cystadleuaeth Pêl-Droed Ffantasi

    • Mae croeso i unrhyw un ar draws Cymru gystadlu yn ein cystadleuaeth pêl-droed ffantasi ar gyfer Cwpan y Byd.

      Rheolau: rhaid dewis tîm o 5 chwaraewr o sgwadiau timau grŵp B. Ni chewch wario mwy na £50 miliwn, a rhaid cael o leiaf un chwaraewr o bob safle (gôl-geidwad, amddiffynnwr, canolwr, blaenwr). Ni chewch ddewis mwy na 3 chwaraewr o unrhyw dîm.

      Defnyddiwch y ffurflen gystadlu isod i yrru eich dewiadau draw cyn hanner dydd ar Dachwedd 21ain, gan ddefnyddio eich cyfeiriad e-bost HWB.

      Gwobr gyntaf: Pêl-droed Cwpan y Byd.

      POB LWC!

  • Sgwad Cymru

  • Cyrraedd Cwpan y Byd

    • Gemau Cymhwyso Ffeil

      A allwch chi ddefnyddio canlyniadau'r gemau cymhwyso yng ngrŵp Cymru i ail-greu'r tabl terfynol?

  • Y Cymedr

  • Blog

  • Rhestr Chwarae Spotify

    • Gwrandewch ar rai o'r caneuon yn y rhestr chwarae uchod ar Spotify.

      • Pa ganeuon yw'r rhai gorau, yn eich tyb chi? Pam?
      • I ba genre o gerddoriaeth mae'r caneuon yn perthyn?
      • Beth yw arwyddocâd geiriau'r caneuon?

  • Yma o Hyd

    • Gwyliwch y fideo uchod ar gyfer cân swyddogol tîm pêl-droed Cymru. Yna defnyddiwch y we i ymchwilio i'r canlynol.

      • 0 munud 16 eiliad: Pwy oedd Macsen Wledig, a beth oedd ei gysylltiad â Chymru?
      • 1 munud 35 eiliad: Dŵr yn cael ei arllwys i lenwi Llyn Celyn. Beth yw hanes creu'r llyn yma?
      • 1 munud 47 eiliad: Dafydd Iwan yn cael ei ryddhau o'r carchar. Pam oedd raid ei garcharu yn y lle cyntaf?
      • 2 funud 0 eiliad i 2 funud 20 eiliad: Clipiau o rai o gemau Cymru o'r gorffennol. Beth ddigwyddodd yn y gemau yma?
      • 2 funud 35 eiliad: Eisteddfod yr Urdd, Aberystwyth, 1969. Beth ddigwyddodd yn fan hyn?
      • 3 munud 32 eiliad: "Good morning". Pa fore oedd hi?

  • Graffiau Teithio Robson-Kanu

  • Adroddiadau Cymru vs Wcráin

    • Darllenwch yr erthyglau papur newydd uchod sy'n adrodd hanes y gêm rhwng Cymru a'r Wcráin ar Fehefin 5ed, 2022.

      • Pa erthygl yw'r gorau yn eich barn chi? Pam?
      • Pa erthyglau sy'n dod o bapurau newydd 'tabloid', pa rai sy'n dod o bapurau newydd 'broadsheet', a pha rai sy'n dod o gylchgronau? Sut ydych yn gwybod?

  • Ieithoedd Cwpan y Byd

    • Ieithoedd Cwpan y Byd Ffeil

      Mae 'na 32 gwlad yn cystadlu yng Nghwpan y Byd eleni. Beth yw prif iaith bob gwlad, a sut maent yn dweud "Cymru", "Helo" a "Cwpan y Byd"?

  • Taith i Qatar

    • Os yw Cymru yn gorffen yn gyntaf neu'n ail yn eu grŵp yng Nghwpan y Byd, byddent yn mynd ymlaen i rownd yr 16 olaf.

      • Os ydynt yn gorffen yn gyntaf yn eu grŵp, byddent yn chwarae ar bnawn dydd Sul Rhagfyr 4ydd, am 7 o'r gloch amser ni.
      • Os ydynt yn gorffen yn ail yn eu grŵp, byddent yn chwarae ar bnawn dydd Sadwrn Rhagfyr 3ydd, am 3 o'r gloch amser ni.

      Gan ystyried bod ysgol ar ddydd Gwener Rhagfyr 2il a dydd Llun Rhagfyr 5ed, a yw'n bosib cynllunio taith i weld unrhyw un o'r gemau uchod?


  • Lefel A: Cae'r Ffeinal